張學友1月回歸紅館創220場巡唱紀錄

張學友的《學友．經典－香港站．再見篇》將於明年1月11日至29日舉行，其中14、18、22、26日休息。昨日個唱記者會開始時，會場內3面幕牆播出學友兩年來在各地的巡迴片段，他穿上粉紅色西裝「Pink爆」現身，在長形Catwalk舞台腳踏15到1的數字，寓意為最後15場演出倒數。

《再見篇》唔等於封咪

原來學友的巡唱由2016年至今已完成191場，加上1月前舉行的場次及香港的15場，將創下逾220場新高！學友指今次巡唱已成為生活一部分，過程中工作團隊有人結婚生仔、亦有離開，可說是生活縮影，開心與不快事兼備。57歲的他又自嘲老：「曾經有諗過個騷一直做落去，但自己將近花甲之年，都想繼續前進，唔想只停留喺一個Tour上面。雖然巡唱唔可以喺香港開始，但亦想喺香港結束，紅館啲期延咗兩次，令我多咗時間去其他地方唱，所以都多謝紅館畀我做多咗50場，唔敢講完美，但希望係好圓滿！」

席上大會宣布個唱門票不設售票處，歌迷只可透過網上、信用卡電話訂票及流動程式購票，學友坦言起初覺得至少要保留一個售票處，但認同此方法風險最低，即使只有一個售票處，亦有風險。問到是否已一身飛債？他坦言今次場次少，歌迷會更緊張，但他從來不會承諾替人訂票。問到香港站的最後15場演出，可會有特別儀式？他笑說：「最終站啫，冇諗住要封咪嘅，所以用咗《再見篇》呢個字，再見有Bye Bye，亦有再會嘅意思，覺得好適合。」

張學友獲贈「神褸」及金咪打氣。	放大圖片	舞台投射出數字，隨着學友的步伐倒數。

引46名逃犯落網

提到被封為「逃犯剋星」，過去多場內地巡唱至少有46名通緝犯或疑犯因睇騷被捕，學友說：「我冇理由去調查佢嘅身份先畀佢哋入場睇騷，做得表演邊個嚟都歡迎，係歌迷就係歌迷，只不過每個人都要為自己做嘅事負責。（香港站呢？） 香港一向係其中一個最安全嘅城市，好有信心冇事。」

另外，日前有內地報道指學友在咸陽開騷前，西安一間公司處理其演唱會票務的數據遭惡意破壞，險損失23萬港元，懷疑是一些不法分子報復，現已被警方扣查處理。