陳錦鴻搞四角戀阿仔教唆離婚
藝人陳錦鴻、楊玉梅、麥長青、徐少強和王賢誌等，昨日現身錦鴻有份投資的金萬年酒家開幕。錦鴻與一班股東自2003年開始合作做生意，在港有三間食店，廣州亦有一間，估計有千萬身家，連楊玉梅也笑指他是富豪，錦鴻即連聲否認。他坦言最初做生意是因為沙士爆發，令演藝工作全面停頓，在朋友建議下做老闆：「當年拍《創世紀》飾演許文彪，做資料搜集時識咗班生意人，後來一齊做生意，最初係同另一個人諗住開間百幾呎嘅舖，後來太多人加入做股東，變咗間二萬呎嘅舖。」
楊玉梅無暇拍拖
提到最近重返幕前為ViuTV拍劇，他表示想藉此令兒子了解賺錢非易事，而劇本講他周旋於三個女人之間：「你話我點能夠抗拒呢個劇，哈哈！囝囝依家青春期，我會喺屋企同囝囝一齊對劇本，囝囝問我點解仲唔離婚，佢對世界唔了解，以為離婚係好簡單嘅事。」又教兒子對感情不要太死心眼，怕他傷人又傷己。
同場的楊玉梅擁有十多間食肆，她大嘆租金貴、員工難求。問到感情生活，她自言要專注事業：「冇時間拍拖，而且我經歷太多，唔係細路女，唔會畀甜言蜜語迷住。」
