洪天明撩周家蔚打擂台

藝人洪天明與太太周家蔚前晚到澳門欣賞「大衛尊武天下」世界搏擊爭霸賽，對拳擊有興趣的家蔚笑言：「我都鍾意睇，特別覺得中國個女仔打得好好，好好睇。」又指老公曾教她打泰拳：「不過當年啱啱有咗第二胎，運動教練叫我唔好打，因為佗住BB唔應該打。尋晚天明話好想上擂台同我對打，好多朋友都買我贏。哈哈！」並透露最近推出自家製的天然護膚品牌。而早前承認拍拖的衛志豪與女友阮兒孖住同場，大晒甜蜜。