鍾采羲開咪玩自爆

初入行有「爆E超蓮」之稱的藝人鍾采羲（Iris），近年多在內地發展演藝事業，已有不少幕前演出經驗，不過她自爆原來拍攝時亦曾發生蝦碌事！她憶述當年首次拍電影，不慎「強迫」攝影師聽自己的秘密：「拍戲要插咪喺心口，就算細細聲講嘢，其實攝影師都聽到。啱啱入行時咩都唔識，未埋位同隔籬個Artist吱吱噚，講埋啲好低能嘅秘密，以為冇人聽到，點知個Cameraman忍唔住陰陰嘴笑，先發現佢原來聽緊我哋講嘢！」她笑言幸好當時不是在說別人是非：「經一事長一智，以後Set晒咪唔敢再吹水住，哈哈！」