蕭正楠曹永廉爭做口水佬

有一種兄弟情叫蕭正楠與曹永廉,兩人老友鬼鬼經常會互窒互寸,十分搞笑。他們拍攝節目《兄弟大茶飯》的烹飪手勢反而其次,最有睇頭是兩人的「口水戰」,總之口沫橫飛,笑料百出。

蕭正楠反擊曹永廉指兄弟間有心病:

佢暗病都有,好煩呀!我煮緊嘢佢成日加把口,幾想漏低佢喺老人院!

蕭正楠談無綫裁減配音組,對曹永廉笑說:

應該留嘅就留低,下一個就裁你先!

曹永廉被問到那個藝人最奄尖?

有都剪咗唔會播啦,現場個個都鍾意食,之後有冇肚屙就唔知!

曹永廉對無綫有信心覺得不會減人工:

公司唔會咁對我,我一家大細,唔同佢(蕭正楠)單身寡佬。