徐子淇教路生多啲 城城等做多仔公

天王郭富城出席慈善晚宴，同場有籌委會主席「千億新抱」徐子淇（Cathy）與老公李家誠、前港姐朱潔儀、溫碧霞與老公等。有傳太太方媛再度懷孕，城城未聽完問題即刻落閘說：「今日唔講呢啲，如果有好消息會同大家公布。（係咪要恭喜你？）暫時無可奉告。」有四個小朋友的Cathy亦幫口鼓勵城城做多仔公：「一個小朋友唔夠熱鬧，生多啲好啲。」城城即點頭笑言：「係嘅，但要順其自然，總之有好消息會同大家分享。」

帶囡囡外地探訪

Cathy表示很開心邀得城城到場支持，希望可以籌多些善款，在柬埔寨興建學校幫助小朋友，城城亦表示很樂意撐場：「我都認同知識可以改變命運，特別係小朋友學業好重要，希望可以畀到一個安全同妥善嘅地方畀小朋友學習。」他亦指有意等囡囡Chantelle長大後，一同到外地探訪：「等佢成長過程有正能量，可以幫助其他小朋友。」問到Cathy可會和城城交流湊BB經？她笑言：「佢應該熟手啲，我唔記得點湊啦，我啲小朋友都大個。」城城笑言：「我嗰個啱啱一歲，仲有好長時間，覺得學習好重要，爹哋好大責任。」

育有四個小朋友的徐子淇，家中很熱鬧。	郭富城應邀出席支持李家誠及徐子淇。	朱潔儀力求完美，寫了幾千幅題字揀選。

朱潔儀花三日題字

問到可會陪囡囡一起學習？城城說：「我真係好忙，啱啱喺韓國拍戲飛返嚟，其實我都好想可以喺香港拍戲，可以照顧屋企。（可會留港陪家人過中秋？）其實真係好忙，又要拍戲，又要為電影宣傳，好彩依家拍戲嗰度肯畀我請假飛返嚟。」

同場的朱潔儀表示大會邀請她為主題「童心迎悅」題字，她很開心可以為慈善出一分力，並透露花了3天時間寫：「都寫咗幾千次嚟揀。（有冇寫到手軟？）為善事都值得，不過都寫到攰，因為書法係用陰力。」講到中秋節，她表示會想念亡母：「去年都仲同佢過，但今年就冇咗佢，每逢佳節倍思親。」