陳潔麗開騷超時甘心受罰
「HiFi天后」陳潔麗前晚在麥花臣場館開騷，好友李蕙敏及賈思樂等到場支持，阮兆祥則擔任嘉賓。她指祥仔是入行以來首個在演唱會合作的人：「只可以用『驚艷』嚟形容，第一次聽佢現場演繹歌曲，覺得好值得學習，係全才嘅藝人。」
演唱會結束後，歌迷不願離場，她出場encore時說：「唱咗3個幾鐘啦，破紀錄喇！咁我下次咪要7點開騷？」她接受訪問時笑言：「我都夠晒喉。（下次再破紀錄？）睇吓安排有咩新意，呢個時間都差唔多。」提到一連兩晚開騷超時要罰款，她說：「唔知要罰幾錢，交畀主辦，我真係唔知。（使唔使自己畀啲？）未知呀。（怕唔怕？）值得嘅，大家都睇到咁開心，相信場館會睇情況。」
