許家傑愛心陪迎月林淑敏嫌棄
藝人「送水輝」許家傑趁中秋節前夕，親手炮製「愛的月餅」冧「大小姐」林淑敏，令這對螢幕情侶感情昇華。雖然誠意搭夠，但林淑敏卻嫌棄對方的製成品，指製作過程錯漏百出，並不可靠！
「送水輝」許家傑和「大小姐」林淑敏在處境劇《愛．回家之開心速遞》的情侶形象深入民心，對於獲廣大市民歡迎，許家傑說：「有咁好嘅成績，多謝大家支持，又有咁好嘅對手，同埋拍處境劇可以一直作出改善，希望大家睇到我哋嘅演出，去反映社會問題。」林淑敏亦表示相當幸運：「我覺得處境劇應該反映多啲社會問題，可以同市民拉近距離。個古仔講我同家傑嗰部分真係好好，同佢合作得好開心。」
「應該好食嘅」
許家傑為了答謝林淑敏的愛戴，親手整月餅冧「大小姐」，希望她戲裏戲外都能感受這份甜蜜感覺。自言經常入廚的他，整月餅時有少許雞手鴨腳，但見他落足心機，搓出心形餅皮以示心意，最終製作出三個月餅，溫馨迎月。
他坦言整月餅過程不太困難：「如果你話畀人聽個月餅係親手整嘅，成個感覺即刻昇華晒。（送畀林淑敏？）當然啦，畀晒佢添。」但對方卻說：「但我頭先睇住你整，覺得你整到好論盡，但我估都應該好食嘅。」
小時頑皮煲蠟
問到有何難忘的中秋節？許家傑承認小時很頑皮：「我細個住屋邨，會同我阿哥同埋鄰居喺門口煲蠟，但依家大咗真係唔玩喇！」相反林淑敏非常乖，只在公園賞月：「同啲朋友去維園賞月，望住個天有星星有月光，而且周圍好多人好熱鬧。」
場地：Cake 1 Cake