歌手鄭希怡（Yumiko）昨日在社交網分享網上購物的「慘痛經歷」，她表示在網上看見一個廣告，指搽完某品牌的眼睫液後，眼睫毛會瞬間變長，更聲稱由比利時運來，故她購買一試：「一向鍾意試唔同化妝品的我，見到廣告就買咗，$200產品，$80運費，因為要在比利時運過嚟，都合理呀！等咗一個月，以為遇到騙案時，我收到啦！」怎料她收貨後發現是淘寶貨：「打開包裝，個盒上面有中文，原產地廣州，打開偉大的淘寶$19.9！」
隨後她再發文：「似乎好多人對用後感都好關心，我試咗喇，所有你期待的效果，全部都冇，仲有少少『拿拿哋』。」不少網民表示笑了出來，叫她下次不要輕易相信網上廣告。