周勵淇成日發燒 被蔡一智寸頭大
藝人周勵淇、蔡一智及蘇永康昨日在油塘與長者預祝中秋節，一臉疲倦的蔡一智表示颱風山竹襲港時小朋友發燒，因沒有醫生開診，捱了兩晚通宵照顧孩子，周勵淇笑說：「細路仔發燒係好嘅，長高呀，阿媽都話我細個成日發燒，由細燒到大。」他即搞笑寸對方：「所以你燒到個頭咁大！」
至於剛由溫哥華登台返港的蘇永康自爆，寓所露台玻璃被颱風吹爛，幸好當時兒子在房間玩耍：「發生嗰陣我啱啱喺溫哥華唱緊歌，落台收到消息嚇到我即刻打電話返去，老婆話已經搞掂。」他又稱屋企一度停水，落機後即到超市掃貨，買了千多元糧水以備不時之需。
