謝安琪孖Juno開房2分鐘完事

孖住去時鐘酒店，謝安琪坦言尷尬。

謝安琪（Kay）昨日到中環出席護膚品牌活動，黃心美則晒肩擔任主持。Kay即場試用產品及分享護膚心得，認為最重要保持良好的生活及飲食習慣。至於可會幫老公張繼聰護膚？她說：「佢畀心機做運動就夠啦！男人嘅魅力嚟自其他嘢，我對佢好滿意。」提到最近為麥浚龍（Juno）的歌曲《勇悍．17》拍MV，她笑言十分「爆破」：「呢首歌係我哋合輯嘅起點，故事由佢諗，講我哋17歲就識，好急不及待想結婚生仔，讀緊大學就大肚。」

唔敢同老公「見識」

Kay自言現實中較為拘謹及保守，感激Juno讓她嘗試這瀟灑有型而任性的角色，覺得當中的反差很有趣。對於首次到時鐘酒店，她笑言很緊張，又指橋段不算有「睇頭」，但令一眾工作人員非常尷尬：「17歲嘅我同Juno去櫃台畀錢，要搵晒身上嘅散銀出嚟，之後入到房就完喇！」MV中，兩人入房後開始除衫，過程約2分鐘便告終。

謝安琪與Juno在MV扮「開房」，入房除衫、去埋廁所就完咗！	張繼聰知老婆去開房，話當係「見識吓」。	黃心美做主持「肩」係掂。

問到可會想跟老公再去，她即笑說：「喺虛構嘅故事試咗就得，我平時生活好平淡。我有同佢講，佢叫我去見識吓，因為佢之前都去過拍戲。」

談到合輯將有十多首歌曲，Kay表示與Juno的愛情故事會延續兩年，且會愈來愈浪漫，但未知會否全部拍MV：「我諗Juno都知驚，要諗定下個MV拍咩畀大家睇。（老公會呷醋嗎？）唔會！佢好尊重創作自由。」