余香凝素顏演戲變冇眉娘

藝人余香凝（Jennifer）、廖子妤（Fish）、葉童、谷祖琳和劉玉翠前晚出席電影首映禮，戲中Jennifer和Fish因演學生妹以素顏演出，Jennifer指不少朋友看了兩、三幕後才認出她：「其實我素顏皮膚都幾好，對自己皮膚有信心，只係變咗冇眉娘啫，但我接受到，當初都係我建議導演要素（顏）嘅，學生都唔會化妝喇！所以聽到人講唔認得我，係幾開心。」她指戲中學生妹造型不會是中學男生喜歡的類型，因要戴厚眼鏡、寒背及雙下巴。