朱璇秘嫁內地富二代

作為2008年國際中華小姐冠軍的朱璇，有樣貌有身材，在無綫拍了不少劇集，後來與無綫結束七年賓主關係，轉戰內地發展。向來對感情事低調的她，被網友踢爆在比利時秘婚，脫離單身貴族，令不少粉絲大呼「女神結婚了！新郎不是我」！

舉杯暢飲幸福滿瀉

相中的朱璇換上兩套白色婚紗，盡顯勻稱身材，散發高貴氣質，她不但肉緊拖實老公，一對新人齊齊舉杯與其他賓客暢飲，流露幸福的笑容。據知其夫是內地富二代，二人今次在歐洲舉行婚禮，只邀請了雙方親友出席，非常低調。不少網民大讚他倆合襯，郎才女貌！

有份出席朱璇在比利時的婚禮的藝人陳爽越洋回覆時表示：「我哋幾個朋友送了一條鑽石手鏈畀璇璇，新娘子好靚，好幸福，佢老公人好好，好疼錫佢。」而她的兩個小朋友則充當花童。

一對新人在婚宴上舉杯與賓客暢飲。	朱璇身材一流o架！	朱璇（中）與一班閨蜜合照。

張嘉兒祝年生貴子

朱璇的好友宋熙年接受訪問時表示，原本出席對方婚禮，因坐月未能到賀：「我一早祝福咗佢，希望佢同老公甜甜蜜蜜，日日都咁開心。佢嫁得好好，新郎又娶到個華姐冠軍，等佢哋返香港，遲啲再慶祝。」又大讚其夫非常體貼，絕對是好丈夫。至於與朱璇同參加2008年國際中華小姐競選的張嘉兒則說：「知道佢結婚，雖然近年好少聯絡，但係我哋係同一屆參加華姐，佢畀我印象係個好活潑、好開心、好靚嘅女仔。戥佢開心，結婚搵到自己嘅幸福，希望佢老公好錫佢，同埋梗係要年生貴子啦！」而好友湯洛雯亦有送上祝福，希望他們早日添丁。