阮馬素貼張靜茵亞姐冠軍相

準亞姐昨午現身旺角，與阮馬素及前澳門小姐麥嘉欣出席健身中心開幕，溫馨因病缺席。阮馬素被邀即場選出三甲心水，他推說「個個都靚」，最後只選出張靜茵。

十號風球都練琴

張靜茵對於被阮馬素「揀中」大表高興，直言增強參選信心，她說：「我好欣賞佢嘅態度，專心向目標進發。（覺得自己有乜優勝之處？）笑容比較吸引，面對傳媒會放鬆啲。（有咩才藝表演？）我係鋼琴演奏級，十號風球都喺屋企練琴，到時唔會畀自己出錯。」

麥嘉欣有興趣入娛圈

昨晨由澳門來港的麥嘉欣，慶幸早上九時半有船復航，活動於下午舉行。問到十號風球怕不怕？她說：「上次天鴿我發現屋企啲窗太舊，已經換晒，加上我唔係住得高，可以嘅，但放杯水喺度都郁！」已卸任的她對娛樂圈發展有興趣：「我仲讀緊書，會一路讀一路試吓拍嘢，或者喺香港發展，但未簽經理人公司。」

阮馬素	阮馬素與一眾亞姐佳麗合照。	前澳門小姐麥嘉欣想搵番個經理人。

阮馬素此行逗留三日，昨晨抵埗時航班未有延誤，由於個半星期後有比賽，有時間都要勤於操練，故不會有額外時間在港遊覽。昨日首次與佳麗見面，他說：「好難揀三甲，揀女仔我睇整體，但如果係運動型會吸引啲，同我相似嘛！」