楊盼盼手面燒傷送院
現年60歲的武打女星楊盼盼昨晨在馬來西亞拍攝賀歲片時遇意外燒傷！據知，當時片場拍攝一場火災場面但出意外，逾廿人受傷送院，有指楊盼盼的面部被燒傷，另一女演員梁祖儀亦雙腿灼傷。網上流傳送院時的圖片，楊盼盼左額、左面頰及下巴貼上紗布，右手亦包裹着紗布，看來傷勢不輕。
羅家英：個火嚟得好快
有份參演電影的羅家英慶幸沒有受傷，當時在場目睹事件，其妻汪明荃回覆說：「佢當時唔使拍呢場戲，但佢坐喺現場，見到個火嚟得好快，盼盼受傷送院，我即刻叫家英哥幫我問候佢！盼盼同我講唔係咁大件事，佢一邊面貼咗塊紗布，都叫我哋放心，因為發生呢啲意外，大家都唔想，我覺得佢好好囉！佢冇怪任何人！」楊盼盼的學生何佩珉受訪時表示擔心：「詳細情況我唔太清楚，但有同佢囡囡聯絡，佢話老師手、腳同面都有燒傷，依家仲喺醫院但情況穩定，多謝大家關心！」
意外發生後，該片監製林德榮與導演黃罕銘亦在社交網直播向演員家屬道歉，講到演員受傷時，林德榮眼泛淚光並哽咽表示會負上全責，希望讓他安頓好演員的醫療問題後再向外界交代。