岑杏賢湯洛雯撐姊妹追夢

無綫上位花旦朱千雪（Tracy）近年兼讀法律系博士，未畢業已有大行向她招手，前途無限，隨時放棄幕前工作投身法律界。對此，Tracy的兩位好姊妹岑杏賢與湯洛雯均表示無論對方有任何決定都會支持她，岑杏賢說：「我知佢好畀心機讀書，喺電視幕前又做得好好，冇人知日後佢會留喺電視圈定係會做律師，作為朋友，佢做邊一樣嘢都會支持佢。」她指對方情況跟自己有點相似：「我依家要做幕前，又要兼顧心理輔導工作，大家都係互相支持對方，我好佩服佢，讀法律唔容易同好辛苦，佢可以同時兼顧，覺得佢好叻女。」