關心妍壞情緒當垃圾丟

歌手關心妍昨日出席一個有關女性在囚人士的心理治療畫展，做音樂治療的她認為無論音樂、畫畫或煮食，任何治療都是讓人有個歇息空間，她說：「每個人都有啲情緒，每星期最好有一刻畀自己笑吓、食吓、喊吓，處理吓情緒，唔一定有情緒病先要治療，自己唔覺唔覺積埋好多壓力，要立即『丟垃圾』，我會日日清呢啲『垃圾』。因為每日接觸一啲家庭，聽佢哋嘅故事，有啲問題可能有啲似自己，可能唔止影響到自己、伴侶，又會影響埋子女。」她又表示會透過祈禱，或者彈琴大聲唱歌處理情緒問題：「好彩自己記性差，唔記仇，一瞓就瞓到，本身性格好緊要。」並透露旗下的慈善基金或會考慮聘請更生人士，支持她們重過新生。