袁偉豪捱餓減磅 一粒爆谷過口癮

Ben、寶兒、惠英紅、蔡思貝及李美慧等，前晚到將軍澳出席無綫新劇《鐵探》煞科宴，現場率先播出約3分鐘的精華片段。Ben日前曾透露減磅令身體出現小問題，雙腳更突然水腫，他說：「去咗醫院做身體檢查，好彩冇大礙。（惠英紅話你試過想叫人請食一粒爆谷過口癮？）係呀！嗰日經過見到有爆谷賣，我徘徊咗好耐想開口，呢段時間最慘係去超市見到有試食囉！」劇中將飾演一個患有創傷後遺症及絕症的警員，他視之為挑戰：「我主動要求嘅，因為唔想下下除衫露肌肉。」

惠英紅險中暑

提到好友陳展鵬宣布10月結婚，他表示睇新聞才得知。至於他與寶兒何時有好消息？他坦言：「畀我搏多一、兩年先啦，依家以工作及照顧家人為主，寶兒經常陪喺我身邊，有消息就再話畀大家知。（到時都係先處理好婚事再公布？）隨心，但都要睇長輩。」

而惠英紅被問到今次拍攝的難忘事，她說：「拍咗68日，當時天氣好熱，我多數喺山邊、天台或者果欄外景，又要着晒套裝，冇中暑已經好叻。（辛苦到瘦？）反而肥咗5磅，因為我大汗要飲好多能量飲品補充，糖分好高！」

Ben在劇中飾演患絕症的警員。	惠英紅與楊明劇中是母子，一見面就攬攬。	楊明

李美慧下月「卸貨」

另外，李美慧挺着孕肚現身，「肥肚唔肥人」的她說：「依家8個月，下個月中可以『卸貨』，希望順產。（仔定女？）囡囡呀，老公睇緊字典為囡囡改名，會跟族譜改名。我坐完月好快就拍劇，預計11月就復工。」又透露拍了大肚寫真，並呼籲大家不要因懷孕而棄養寵物。

蔡思貝一頭短髮，造型清爽。

李美慧帶埋貓狗影大肚寫真。