林欣彤聲帶勞損就住唱

歌手林欣彤與夏韶聲前晚為無綫《流行經典五十年》錄影,聲帶勞損的她氣若游絲,她解釋:「依家講嘢同唱歌都要就住,醫生話大概要三個月先可以康復,今晚因為夏韶聲請我合唱,所以照唱。」她希望能及時復原,如期年底開騷。講到老闆娘李亞男佗B女,林欣彤說:「老闆娘咁靚,似少少已經好靚,如果似老闆(王祖藍)都好聰明。」

節目主持薛家燕現身時行路一拐一拐,她表示近日起床時突然右腿盆骨與大腿間感痛楚,但看醫生都冇時間:「應該係年紀大,過勞咗都冇留意。」她又指女兒石𧙗珊亦因操勞過度貧血入院。