前《都市閒情》主持李錦聯，對於該節目將停播及改革，直言有少許可惜，但覺得是大勢所趨：「其實個節目係靠廣告，依家啲廣告費年年加，出面又唔係咁好環境，自然只會愈嚟愈難做。（點睇新節目的形式？）呢樣嘢好正常，不過，我覺得呢啲只係過渡性，如果啲節目成日都叫大家買嘢，啲觀眾都唔會睇咁多啦！所以都一樣冇得長期做，我就醒啦！一早睇到呢啲情況，所以離開咗，我始終做咗廿年，都好難再有得更好。」
當年，李錦聯與安德尊在節目內鬥嘴，成為特色之一，問他可會問候舊戰友？他說：「唔好啦，呢個（指節目）係佢個竇嚟o架嘛，搵佢好似挖苦佢咁！」又直言若新節目個個主持都有得留低的話，就不是問題。