佘詩曼傳聖旨：聶遠話好想嚟！

對於眾演員中秋襲港，「嫻妃」佘詩曼接受本報電話訪問，直言身負重任，負責「傳聖旨」！阿佘說：「因為皇上聶遠嚟唔到，佢託我同大家講聲：『我真係好想嚟，因為有工作在身，希望下次有機會嚟香港同大家見面。 』」由於她是全劇唯一的香港演員，問到會否親自招呼？她說：「本來我好想盡地主之誼，請佢哋食中秋節飯，但好可惜，當日我做完無綫嘅記者會就要飛，唔可以同佢哋食飯，我都冇得喺香港慶祝中秋，但我預備咗特色月餅送畀佢哋。今次好開心，因為成班演員嚟香港，可以畀香港觀眾見到佢哋。其實我哋唔係好耐冇見，成日都見，因為成日有活動喺北京，早幾日喺頒獎禮都見到皇上。」