諸葛紫岐教仔愛寵物如家人
出名恩愛的名媛諸葛紫岐（Marie）和老公薛嘉麟，把恩愛化為愛心，為流浪狗出一分力。日前他們出席為香港流浪狗之家籌募經費的慈善音樂會，同場有珠寶藝術設計師黃迪茵、歌手蘇慧恩及藝人陳偉琪等。與薛嘉麟十指緊扣到場的Marie說：「希望多啲善心人出錢出力，甚至參與義工工作，同打算養狗嘅朋友都盡量去領養。」
身教重於言教，Marie也有向兒子韜韜灌輸「寵物如家人」的概念：「老公嘅妹妹領養咗隻傷殘嘅狗狗，只有三隻腳，韜韜經常同佢玩。佢有提出領養狗仔，我同佢講，等佢大個啲先，有能力照顧到狗狗先可以領養，因為養寵物係一世嘅承諾，絕對唔可以棄養，亦唔可以假手於人照顧。韜韜聽完我講，即刻以肯定語氣話：『Yes, Mum！』我即刻忍唔住笑！」
