余德丞出院了！死裏逃生珍惜生命
無綫藝人余德丞（Dickson），上月8日晚踢波時昏迷入院，期間曾心臟停頓，情況一度非常危殆，經過一輪搶救後才脫離危險，之後一直留院治療。昨日他在社交網帶來喜訊，發長文表示已經出院，並以「第二生命」來形容自己曾經「死裏逃生」，表示：「醫生話短期之內唔可以做運動住，相信都會係我最唔習慣嘅。生命無take 2，今次咁好彩有多一次機會，我一定會好好珍惜。畀啲時間，等我休養多一陣，好快我就會重新出發，我只想身體健康 ，回家最好不過。」
字裏行間他又透露留院一個月的情況：「原來連續咁多日面對住一樣嘅三面牆，加埋打唔開嘅窗，感覺真係好難受。所以我都希望今次之後，我嘅身體會生生性性，爭一口氣，唔好再令大家擔心。」Dickson感謝醫生、護士24小時的悉心照顧，又感謝家人每日為他準備三餐。他自爆曾經因經常鑽牛角尖而亂諗，故感謝經理人、同事及朋友的開解，以及陪他傾偈解悶。至於何時復工？余德丞的經理人表示視乎他康復情況再決定。
