曾幾何時小弟認為十八廿二嘅女仔最索，後來審美眼光漸漸改變，近年更加喜愛欣賞三十出頭嘅女性，事關佢哋韻味濃郁卻又未至於年華老去，魅力爆燈！喺日本寫真界有唔少呢類美人兒，近期人氣急升嘅竹內涉更加係芳華絕代添！
女星年過三十仲要作性感演出，觀眾就會話：「都成三十幾歲人啦，仲行性感路線，有冇顧及觀眾嘅感受呀！」言詞中帶幾分嫌棄及鄙視，冇計啦！喺香港，好多觀眾嘅眼光同思想都唔係咁開放，而且仲有好多道德塔利班添！事實上，好多女性踏入30歲，甚至係40歲，魅力至散發出嚟，以日本寫真女郎為例，原幹惠、熊田曜子、山崎真實等全部都係三十過外，但係美貌與身材俱誘人之極！而今日為大家介紹嘅竹內涉現年32歲，魅力可謂達到芳華絕代嘅地步。
竹內涉生得一副綺麗絕倫嘅姊系面孔，韻味迷人且氣質高貴，帶佢出席任何宴會唔單止唔失禮，更會贏得周圍艷羨目光。竹內涉嘅吸引之處仲有婀娜又帶健美感嘅身材，上圍有一對美觀又堅挺嘅天然E奶，腰腿俱幼同時臀部呈飽滿蜜桃形，渾身上下都曲線撩人，配合埋天姿國色嘅美貌，簡直係人間極品呀！
竹內涉喺2003年參加一個名為「微笑選拔」嘅活動，從2萬位參加者當中脫穎而出，從而成為唱跳女子組合「Sister Q」嘅成員。3年之後，佢有感自己嘅歌藝漸漸成熟，並且擁有一定知名度，便轉為獨立歌手發展，期間學習咗唔少音樂知識，兩年之後以「IRA」之名作填詞人，認真多才多藝。近年韓國文化大盛，竹內涉又去學韓文，仲飛去韓國發展演藝事業添，直至上年先至回歸日本，除咗做主持，仲加入寫真界。由於竹內涉實在太索，獲雜誌《Weekly Playboy》形容為「日本第一美麗的31歲」，人氣火速上升！及後竹內涉食住個勢推出首隻寫真DVD《誘惑家庭教師～忍耐不能》，當中展現出驚人嘅輕熟魅力，又再取得好成績！到今年6月，竹內涉推出第一本個人寫真集《Queen•hip•rose……しり染めし頃に……》，進一步將演出尺度解放，令人氣又再上升，更獲大眾稱為繼「一號愛人」橋本愛實之後嘅「二號愛人」添！
簡介：近期竹內涉忙於宣傳寫真集又舉行簽名會，想知道阿妹幾時會進行公開活動以及欣賞性感照片，咁就要Click上佢嘅社交網喇！
網址：https://twitter.com/ayumu_takeuchi
年齡：32歲
身高：5呎4吋
三圍：32E-21-33
撰文：賢