拍節目恰麥美恩？吳若希攬上身認「臭希」
歌手吳若希與麥美恩在無綫旅遊節目中表現生鬼，惟近日被指經常恰麥美恩，針鋒相對！吳若希昨日開腔否認，對於被配上「臭希」之名，更大方表示冇所謂。
吳若希、鍾舒漫、菊梓喬等昨日出席《星光熠熠耀保良》記者會，吳若希透露屆時會獻唱新劇《再創世紀》插曲《為何你要背叛我》：「呢套係喺央視播嘅大型劇集，好開心可以參與。（爭番嚟？）係呀，（抓）撈。老闆見我拍緊劇以為我好多嘢做，唔係o架，我就快要食穀種！」
生B後轉數慢
有指她在節目《森美旅行團》中，幕前幕後都經常欺負另一主持麥美恩，她笑說：「佢蝦我就真！我成日畀人寸完都未Load到，啲人話生完BB蠢3年，我依家記性好差，轉數好慢。美恩唔係成日寸我，森美先係！不過呢個旅行團拍得好開心，同3位拍檔都合作得好開心。」對於被起朵「臭希」，她大方表示冇所謂：「點寫我都OK，唔搞到屋企人就得。」
許志安講求新鮮感
同場的歌手許志安透露節目中會唱經典合唱歌，問到「玉女獎門人」周慧敏有份演出，是否與她合唱？他只表示：「初步構思唱合唱歌，會畀啲新鮮感覺大家，最緊要啱Key，唱到個感覺。」續稱由於很久沒參與大型慈善騷，現時已開始綵排，而9月中會推出新歌。至於同期推出新歌的劉浩龍指日前見到安仔出海玩Wakesurf唱歌的短片，受感染想玩埋一份。
