「桌球女神」歐詠寶篤波K.O.猛男被抄牌
模特兒歐詠寶（Yogurt）擁有33C上圍及43吋長腿，高挑身材令不少女士羨慕，但她竟不滿意：「其實我腰短腳長，易有肚腩，而且着高踭鞋唔好睇，如果對腳畀一吋上身，比例就更好！不過腳長都好多優點，的確為我帶嚟唔少工作，而且行都行得快啲。（揀男友要高過自己？）都想，但最緊要啱Feel，試過同矮男拍拖，感覺怪怪哋。」平日愛下廚、跳舞及駕駛的Yogurt，近年愛上桌球，幾乎每次到桌球室都有艷遇，頻頻被抄牌，而且球技鍊贏不少男士，難怪被封為「桌球女神」。
去年Yogurt與姊妹歐詠珊及歐詠怡推出寫真集，今年三人各有發展，Yogurt參演多部微電影過足戲癮！最近她首次拍攝愛情短片，笑言第一次有「男友」，戲中男友只顧追尋導演夢而分手收場，題材令不少女觀眾有共鳴：「愛情同麵包好難揀，如果男友有上進心，我都會畀時間支持佢，但遇過好Hea嘅人，日日瞓唔做嘢，我頂唔順要分開。」講到接連有拍戲機會，她表示最開心是克服說話問題：「我講嘢唔叻，之前演女警要背好多台詞，事前做足準備對稿，結果順利做到，之後咩角色都想試！」
歐詠寶Yogurt
三圍：33C、25、33
身高：1米73
