張敬軒「兄弟」內訌鬥騎術
歌手張敬軒（軒仔）、鍾舒漫、洪卓立等，前晚為電台台慶音樂會獻唱。軒仔透露稍後會與撞樣「兄弟」南非騎師麥偉利相認：「到時大家可能鬥策騎，睇吓邊個快。（Crossover首歌？）好呀！可以叫《你騎，我騎》，個MV係動作大片。」
為頒獎禮鋪路
軒仔稱自個唱完畢後，一直處於放暑假的狀態，現在正式開學，並要為頒獎禮作準備。記者指他今次任演唱會嘉賓是為獎項鋪路，他笑謂：「我哋唔計，講心唔講盃，不過佢哋（電台）計就得。」
自爆有第二春
提到好友蔡卓妍傳婚訊，他大讚對方男友好仔，想兩人早日拉埋天窗，又指對方已屆適婚年齡：「我就未到，第二春先啱啱嚟，男仔冇規限，想結婚到80歲都得，只要有心有力就得。（你咁有信心？）我80歲行得郁先算啦！我喺生活上幾難頂，因為我遺傳咗媽媽嘅偏執，我要物色定一間老人院，或者自己開間畀自己住。」
