何傲兒少下廚最怕洗碗

藝人何傲兒與名媛蔡一鳳（Michelle）昨日出席慈善親子整麵包活動，一向有下廚的何傲兒坦言首次整麵包：「最近突然想試吓學整麵包，點知Michelle咁啱搵我，好開心，又有法國大廚教。（你係地獄廚神？）我唔認地獄o架！但講真廚藝一般，平時都係出街食多，我唔鍾意洗碗。（搵個會洗碗嘅男友？）買部洗碗機，大家都舒服。」早前她有份主演的內地劇《歸去來》反應不俗，身形愈來愈弗的她希望有更佳狀態拍劇，問到有冇時間拍拖？她說：「我都想脫單，依家中港兩邊走，都係全力工作先。」