劉坤銘指摘破壞父子情 羅霖：我講大話畀雷劈
藝人羅霖日前接受訪問時哭訴經濟壓力很大，離婚六年靠自己養仔，從沒收過前夫劉坤銘的贍養費。昨日劉坤銘發聲明反擊：「本人已按照2012年的離婚協議和法庭的頒令，作出財產上的處理，包括有關房產、現金及部分資產轉移給羅小姐。」又指一直支付三個孩子的學費，直至他們完成大學，並非如羅霖所言由她獨自承擔大部分費用。一直以來他非常關愛孩子的成長，但前妻用盡方法破壞孩子與他的關係，考慮為保護孩子而申請禁制令，阻止對方利用孩子作出不必要的宣傳。
「唔需要用羞家事宣傳」
對於劉坤銘發聲明，羅霖接受訪問時表示：「我有法律文件證明，佢畀番我嘅現金，根本全部屬於我嘅錢，絕對唔係贍養費，如果我講大話就畀雷劈！」至於指她破壞劉坤銘與兒子感情，她強調冇做過：「我仲教啲仔過時過節要發短訊畀爸爸，只係佢哋唔想。」又稱：「近年我花咗唔少錢去應付佢畀我嘅律師信，佢一年畀成廿封我，我真係冇錢冇時間陪佢咁玩。」提到劉坤銘指她利用兒子作宣傳，她即哭着說：「只要個仔明白我就得，我從來冇叫三個仔出嚟澄清任何嘢，亦唔需要用呢啲羞人嘅家事做宣傳，之前叫劉生照顧大仔二仔，佢口頭應承，但轉頭又發律師信要查我啲收入，如果佢真係咁錫啲仔，就唔需要搞咁多嘢，搵架車接啲仔啦！」
