古天樂唔諗做博士：做對得住個獎嘅事

「第16屆世界傑出華人獎」昨日於灣仔會展舉行，古天樂接過英皇集團主席楊受成博士和藝人許冠文頒發的獎項後，表現靦腆多次鞠躬致謝，心情緊張說：「本身覺得獎項好具意義，第二件事係自己一直喺當有能力時就去做多啲事、幫多啲人，貢獻畀大家。（下個目標係碩士、博士？）冇諗咁多，只係做自己想做嘅事，個獎已經係喜出望外，要做一啲對得住個獎嘅事。」

唔敢亂葬崗燒嘢食

他又稱沒想過慶祝，因正趕拍電影《犯罪現場》，之前試過冒黃雨又捱多晚通宵：「七月十四（鬼節）喺亂葬崗拍，以前喺電視台每逢拍郊外戲都會燒嘢食，今次大家話唔好，怕燒燒吓好多人一齊嚟食，雙眼唔敢周圍望，怕唔知睇到啲乜嘢。」

曾拍《陰陽路》系列的古仔，被取笑應該好大膽，他笑言：「咁拍特工戲，唔通就係身手不凡咩！」並稱拍畢《犯》片後，另一齣電影上映，故只能放一、兩天假。他笑言年中無休，想放假就要填假紙：「睇吓嗰條友批唔批。（係邊個？）咪自己囉。」 他坦言是工作狂，放假時會心繫工作。

內地建近百學校

至於楊受成表示十分欣賞古仔：「佢除咗係演藝人協會會長，仲係電影同經理人公司老闆；電影以外，亦對社會作出莫大貢獻，佢喺內地捐錢建立近100間以佢命名嘅學校，協助內地學童，得獎絕對係實至名歸。」他除了頒獎給古仔外，亦有頒「世界傑出華人——藝術家大獎」給電影海報大師阮大勇。