曹永廉與蕭正楠為港姐擔任客席司儀，又表演歌舞助興。論港姐司儀之職，二人都是「處男下海」，阿蕭笑說：「阿廉呢排爆紅，令我掹車邊做到司儀。」對於有指黃翠如向阿蕭逼婚，阿廉搶答：「呢啲嘢成日有人講嘅，我唔講嘞，一講起佢（阿蕭）就黑面。」阿蕭說：「冇咁嘅事，我哋（指與翠如）不知幾開心，佢呢排開緊工。（有結婚計劃？）我哋有我哋嘅節奏，係兩隻崇尚自由嘅雀仔，或者一隻雀仔一條魚囉。」
