黃榕「雞絲粉皮」易做涼透心

黃榕平日除了勤練鋼管舞，第二喜好就是下廚，愛留在家中煮飯多於出外吃飯，因外面開餐既油膩又多味精，在家可以食得健康，家常小菜以煎雞翼及牛扒居多，間中亦會炒菜、蒸肉餅，簡單又美味。

甜品高手

不過她謙稱廚藝一般，揀「雞絲粉皮」因為是當年初次下廚的菜式：「我鍾意食囉，哈哈！同埋簡單又方便，試吓整吖，味道唔錯o架！」談到下廚經歷，她笑言有次火燒廚房：「我煮嘢食好『騰雞』，有次搞到廚房着火，加水又彈到油，不過就當從錯誤中學習。好在男友煮嘢食叻，平時整好多嘢畀我食，我要向佢學習。」她亦有下廚讓男友一試她的手勢：「OK啦！但又未到好好食，佢就成日讚我、鼓勵我。」

原來黃榕是整甜品高手，去年為男友親手造了兩個生日蛋糕，賣相靚到所有朋友都讚不絕口：「男友嘅朋友仲問個蛋糕喺邊度買，我話係自己親手整，真係聽到都好開心！」

梁祖堯：賣相吸引

「劇界廚神」梁祖堯對於黃榕的「雞絲粉皮」大讚賣相吸引，不過就建議煮雞用30分鐘會較好，他又建議她下廚時應把頭髮紮起、穿上圍裙會較方便煮食。

黃榕加埋醬汁就大功告成。

梁祖堯大讚製成品賣相靚。

食譜

食材：雞、粉皮、青瓜、薑、葱

醬料：2茶匙生抽、1茶匙香醋、1茶匙老抽、1茶匙沙糖，加熱水攪拌成漿狀。

1 將粉皮切成1cm條狀，煮2至3分鐘後汆水或浸凍水。

2 雞用鹽醃煮15至30分鐘，浸凍水後撕肉。

3 青瓜切絲，所有材料及醬料撈在一起，完成。

《星級煮意》已有七十位名人紅星親自下廚示範各式各樣菜式，大家可透過東網App或東網網頁隨時隨地免費收看及重溫。

https://bit.ly/2Bg3J8z