Cheronna泰邪門唔敲都響
為拍節目到泰國訪問降頭及養鬼仔師傅的Cheronna，遇上不可思議事件，本想玩貓的她遇見一道會發出恐怖敲門聲的「邪門」，返港後更情緒崩潰險瘋癲。
Super Girls成員Cheronna為拍攝節目不時走訪神秘之地，早前與KB到泰國訪問降頭及養鬼仔師傅，期間行經一間養有貓咪的房間，本想入內玩貓，竟遇上令她毛骨悚然的怪事。當時肯定房內冇人，不過房門卻傳來「咯、咯、咯」的敲門聲，她說：「有三下好慢嘅敲門聲，道門自己打開咗，又再聽到三下敲門聲。我諗『佢』知道我想做乜，想請我入去。」她從靈異片中得知，在無人之境聽到三下不尋常的敲門聲乃凶兆，不祥之感湧上心頭，驚到呆立房門外，她聲震震說：「覺得好唔舒服，我潛意識覺得係師傅養嘅一隻鬼仔，好驚佢哋跟我返屋企。」
匿入房喪喊
本以為過門不入就可避過一劫，豈料返港後就惡運纏身大大鑊。Cheronna說自泰國之旅後，發覺情緒出現問題，常感到莫名其妙的心情低落：「唔知點解，成日覺得個心『銀住銀住』，個人好唔開心，因為唔想嚇親媽咪，我只會匿埋喺房喊，嗰種感覺係……我覺得就嚟黐線，要睇醫生。」
急「請走」佛牌
在最無助之時，她突然想起降頭師傅曾「請」了兩個佛牌給她，直覺告之要立即「請走」佛牌，果然情緒問題不藥而愈，叫她不能不信邪！
