陳華鑫有喜5個月
曾參加2012年港姐的29歲無綫藝人陳華鑫（Gloria），今年與圈外人周國榮結婚，昨日傳來喜訊懷有身孕。昨日，藝人郭千瑜在社交網上載第26期藝員訓練班同學聚會照，相中見她指着陳華鑫肚子暗指她有喜。
陳華鑫接受電話訪問時承認已佗B五個月，預產期在12月：「啱啱五個月，之前未佗定唔講得住。（仔定女？）冇所謂，都算佗得舒服，冇嘔吐不適，但因為宮縮，醫生建議留喺屋企休息。」她指已開始準備BB車及BB床等日用品。
而曾出任訓練班校長的鄭丹瑞則說：「係呀，我就快有契孫喇！好開心，我第一年做校長就係第26期無綫藝員訓練班，畢咗業五年，佢哋有乜嘢問題都會問下我意見，大家感情好深厚，陳華鑫喺布吉結婚都有請我去。」