袁偉豪減肥失魂撞玻璃「爆缸」

袁偉豪於新劇動作戲連場。

袁偉豪（Ben）在佐敦街頭拍攝蘇萬聰監製的無綫新劇《鐵探》，引來不少途人圍觀。劇情交代Ben持槍與悍匪追逐，期間他沒有用替身，親身上陣撞向強化玻璃，豈料拍攝後他發現手背多處割傷兼流血，工作人員即上前止血，Ben為免大家擔心及阻礙拍攝進度，只淡然說：「冇事喇！」隨即「回帶」翻看拍攝效果，相當專業。

為件多士唔見五千

談到近日相當「黑仔」，連環受傷又遺失錢包，他坦言：「5月開始冇啖好食，已經由160磅減到150磅，血糖低失魂之餘，都會對自己發脾氣。嗰日唔見銀包係因為太餓，心急落車買多士咋！好似今朝我拍跳欄戲，信心都唔係好夠。（預咗搵唔番銀包？冇咗幾多錢？）冇咗4、5千蚊啦，都補領番啲證件，依家差啲信用卡，冇得網上理財連屋租都交唔到，好彩業主唔介意。」他表示完成未來幾日戲份後，要「閉關」十多天再減磅，至9月初拍竣幾場重頭戲才收工，安心放悠長假期。

被玻璃割傷，工作人員即為袁偉豪治療。	夾傷手指	鎅爆手背

• 袁偉豪拍完奔跑戲後，再爬上簷頂拍追逐戲。

煞科後陪母外遊散心

問到這段時間女友張寶兒是否很體諒？他說：「互相支持囉，覺得做好自己就得，咩都有人講，唔應該太介懷。（放假去旅行？）其實係（喪父後）一直冇時間陪媽媽，應承咗陪佢去旅行，大家行開吓。」他又打趣待《鐵》劇煞科後，會第一時間「食餐好嘅」！另外，蘇萬聰指余德丞的戲份早已完成，故不需補拍或易角。