未聞靚湯會復合 岑杏賢：佢冇唔開心呀！
岑杏賢與湯洛雯感情要好，不時結伴周圍去，杏賢指自己是糖黐豆，喜歡與閨蜜經常見面：「同啲姊妹經常會見面，行街睇戲同食飯咁。（有冇覺得靚湯心情不佳？）我又唔覺喎，冇唔開心呀！」對於有指羅天宇有意與靚湯復合，她會否支持？即說：「冇聽過佢同天宇會復合，當然日後嘅事唔知，呢啲嘢佢（指湯洛雯）最清楚，亦唔覺佢因為天宇嘅事影響到心情，一切正常，性格不嬲都係傻大姐！」
昨日她與劉佩玥（Moon）、張秀文、傅嘉莉（Kelly）出席美食節的「星級廚房」活動，她們先後上過《美女廚房》節目。Moon和秀文被封為「地獄廚神」，今次再來展廚藝，秀文笑言是「進修廚藝」，Moon則說是來做廚師助手。拿手焗曲奇餅的杏賢承認曾想過開曲奇餅店：「但自己唔係做生意材料，都係整吓畀朋友食算啦！」而Kelly自爆每年都和母親前來血拼。
