荷里活八十年代賣座電影《回到未來》系列，面世至今已有33年，日前片中四位主角米高霍士（Michael J Fox）、「博士」基斯杜化萊特（Christopher Lloyd）、女主角Lea Thompson與「大舊衰」Thomas Wilson在波士頓舉行的粉絲見面會中再聚頭！
米高早前在社交網戲言將原班人馬拍第四集，四人都有傾開拍的可能性，Thomas似乎不太想打爛《回》片個招牌：「我諗再拍嘅話，粉絲會講：『有好多系列續集拍衰咗，唔爭在拍爛埋呢部！』」米高就表示一切睇編劇Bob Gale的意願。