德江加奈 巨胸有自信

古銅豐滿

所謂不時不食，我哋嘅飲食口味好多時都會受到季節影響，例如夏天就會食多啲瓜果，冬天就會食多啲脂肪含量較高嘅肉類，所以大家都喜歡喺冬天食羊腩煲。而欣賞日本寫真女郎，小弟亦覺得有季節之分，好似家陣炎炎夏日，最適合揀選古銅色肌膚且肉地帶點結實嘅肉感美少女喇！不過，今次我唔係推介大家睇久松郁實又或者係橋本梨菜，因為新人當中有唔少優質美少女都有呢類特質，例如德江加奈就係好例子。

德江加奈現年19歲，正宗係青春無敵卜卜脆，面帶稚氣又夠嬌美，更加可以一笑生花，真係人見人愛。德江加奈面圓圓惹人好感，身材亦生得圓潤豐滿，好彩圓潤得嚟唔算肥膩，加上肉地結實且一身古銅色肌膚，睇落十分健美，同時仲有一對飽滿又堅挺嘅E奶，令大家嘅焦點集中喺胸部，唔會太注目多餘嘅肉地。

發揮魅力

德江加奈近期喺寫真界發光發熱，不過阿妹就唔係最近至橫空降世，4年前阿妹已經踏足舞台台板，當時佢為《GO,JET!GO!GO! Vol.6》作舞台演出，之後佢主要活動範圍都係圍繞住舞台界。直到2017年，加奈踏入18歲且發育良好，事務所當然唔會暴殄天物，安排佢換上性感水着拍攝首部寫真DVD《初戀Days》，而呢部作品一度成為網購網站DMM及亞馬遜嘅寫真偶像DVD銷量排行量冠軍位置！喺訪問中，加奈被問到點解作品銷量咁好，佢就滿有自信咁話係因為展現出最佳狀態，以及發揮個人嘅巨乳魅力，仲話自己今次嘅演出值98分，留低兩分畀自己以後再努力喎！加奈拍水着寫真以來人氣不斷上升，難怪佢會咁大口氣，最近佢仲完成咗一大心願，就係成為雜誌嘅封面女郎喇！希望加奈唔好太過自滿，可以繼續努力食住個勢發展啦！

社交網站

簡介：德江加奈近期工作繁多，不過忙極都不忘自拍再放上社交網同大家分享，若果想睇加奈嘅最新玉照以及留意其最新消息，就要Click上去睇睇喇。

網址：https://twitter.com/tokue__kana___

撰文：賢