已故美國天王米高積遜（Michael Jackson）的20歲女兒巴莉絲積遜（Paris Jackson），在社交網站Instagram拍片自爆上周五進行緊急手術：「切除差唔多好似高爾夫球咁大嘅膿瘡，醫生話如果佢爆咗，我就可能因敗血症感染而死，但我冇死到，醫生即刻幫我做手術。」又表示拒絕麻醉，過程是她有生以來最痛。手術翌日，她與其樂隊The Soundflowers舉行癌症慈善騷，88歲祖母嘉芙蓮（Katherine）亦有前來捧場，她留言：「我真係估唔到嫲嫲嚟睇我哋第二場騷，而佢竟然鍾意聽！」