陳凱琳啜實嘉穎放閃
剛下嫁無綫小生鄭嘉穎的陳凱琳，升呢「人妻」後首度在Instagram發文，以「鄭太」身份說：「Starting a new chapter in my life as Mrs. Cheng（以鄭太身份開始人生新一頁）」，又上載攬實老公嘴對嘴的煙韌照，而嘉穎亦貼文宣布成家了！
到賀的藝人好友前晚由峇里返港，黎耀祥指婚禮氣氛感動，大家都催新郎「造人」：「After Party之後大家去休息，我哋就話你唔好休息，努力呀，早生貴子。」而《鐵馬尋橋》一班兄弟姊妹馬國明、唐詩詠及黃嘉樂等見證「大哥」結婚都齊齊爆喊，唐詩詠笑說：「我話帶包紙巾去，佢哋話邊度會喊呀，點知佢一開口個個都喊，喊得最勁嗰個係林子善，腫晒！（改口叫大嫂？）叫咗啦！」至於曹永廉被問有否訓示一對新人，他笑說：「家長就有，叫佢哋相敬如賓，打就唔好打面，哈哈！」黃智賢覺得最感動是兩人宣讀誓詞一刻，曹永廉笑說：「出自佢把口又真係好冧人嘅。」
