唐文龍無厘頭獻嘴嚇窒楊柳青

楊柳青：下次單聲先吖！（設計對白）
楊柳青被唐文龍的熱情舉動嚇親，莫非未Ready公開？

無綫劇集《解決師》演員王浩信、唐詩詠與陳敏之等，聯同新加入的唐文龍與夏雨在將軍澳電視城出席活動，其中唐文龍與傳撻着的楊柳青同場！當唐文龍行近楊柳青欲一同受訪時，竟「突襲」隔空作狀咀她，並打招呼笑說：「好耐冇見！」嚇得楊柳青一臉尷尬，掩嘴不停傻笑。耍花槍後，唐文龍卻又滴住汗否認拍拖，認真莫名其妙！

預告撐枱腳

問是否公開戀情？唐文龍說：「之前一齊拍詠春片，佢係一個好聰明伶俐、美艷動人、身手敏捷、好好嘅女仔，大家係好朋友。（女朋友？）唔係。（發展緊？）唔係，友誼就發展緊，拍完後大家各有各忙，冇見面。（拍劇見多啲？）我哋唔多對手戲，但唔代表喺廠冇接觸。（接佢收工？）我連佢住邊都唔知，遲啲套戲剪好，再約佢出嚟食飯，或者到時又再唔小心畀人影到。」

唐文龍口甜舌滑又送上蛋撻，難怪楊柳青笑得咁開心。

王浩信為唐詩詠而打生打死，令「手痕」的她亦想打埋一份。

唐詩詠手痕

劇中王浩信為保護唐詩詠有連串搏擊鏡頭，他表示九成半動作戲也親身上陣，慶幸拍攝以來沒有受傷，唐詩詠笑說：「我都想試吓打，想做女英雄，但導演連踢兩腳都唔畀我踢。」談及在峇里出席鄭嘉穎婚禮，她大呻沒有時間享受陽光海灘，僅落水15分鐘，問可會分享泳衣相？她笑說：「等我揀吓先，唔性感嘅，都係着一件頭泳衣。」又表示趁機催促馬國明與黃嘉樂結婚。