孖阿Sam閃爆紅館阿倫Keep Fat卸裝

阿倫與許冠傑Part II演唱會昨晚開騷喇！

演唱會未到8時30分就開騷，二人以全銀裝束閃爆出場，阿Sam所用的結他亦是銀色，並先後唱出《冷傲的化妝》、《Look for star》、《心思思》等經典歌曲。

提觀眾要High

未幾阿倫搞笑說要卸下「武裝」：「上次等阿Sam等咗40年，今次就等四季啫！今次同Part I唔同，阿Sam上次愈唱愈Fit，今次未做佢就已經Fit，由年頭Fit到依家，我就繼續Keep Fat。」並「溫馨提示」觀眾要High，二人會視乎反應而決定是否Encore。

阿倫又說知道阿Sam的偶像是美國搖滾巨星「貓王」皮禮士利：「我偶像都係貓王，不過係英國貓王（指Cliff Richard），佢喺牛津，所以我特別鍾意牛津。」未知是否語帶雙關指囝囝就是於英國牛津大學碩士畢業。

狄波拉與許冠文撐場。

阿倫與許冠傑開場前先拜神切燒豬。