論盡李芷晴「落地開花」攞頭彩

李芷晴（右）拿籤筒結果一地都係，身邊佳麗都忍俊不禁。

19位候選港姐昨日到元朗天后廟拜神及求籤，（6）杜愛恩因病缺席，（7）丁子田及（20）鄧卓殷因宗教問題沒有參與拜神。

（10）李芷晴求籤時頗為論盡，一度不慎將籤倒了一地，要再求一次，最後求得上籤，她說：「落地開花呀！師傅話籤文啱時令，佢叫我要淡定，依家唔夠膽量。（有冇批你會得獎？）冇講，但叫我要有信心。」現場見她左臉皮膚敏感，她表示已看醫生，可能是太大壓力，並說：「有搽藥同食藥，應該可以決賽前好番。」

陳曉華（左）與李芷晴入廟拜神，一個求得下籤、一個上籤，心情各異。	十九位佳麗穿上名字Tee齊集天后廟，影番張大合照先！	庄嘉慧展示傷勢。

多位佳麗求得下籤，包括（1）蘭倚婷、（4）鄧美欣、（16）黃子桐、（17）陳曉華及（18）高育英，黃子桐當場扁嘴。陳曉華心情似乎受打擊，更直言有少少影響信心，之後又擠出笑容說：「解籤都有解決方法畀我，話我缺乏自信，應該盡量淡定，同埋要注意身體，的確我一開始就病咗，都有叫我唔好節食。（有冇刻意減肥？）我食好多嘢o架！有食飯！」

庄嘉慧受傷唔驚有疤

日前跌傷左膝及右手手㬹要縫針的（2）庄嘉慧，問到傷勢如何？她說：「已經拆咗線，唔驚有疤，睇咗個權威醫生，縫針縫得靚啲，遲啲會用遮瑕膏遮住。」又表示稍後會投入練習，為跳舞表演作準備。