志偉急急腳避談封殺秘道鬆人

著名監製梁家樹（Tommy）昨日70歲牛一，前晚女兒梁靖琪（Toby）在跑馬地為他舉行神秘生日會，古天樂、曾志偉、苗僑偉夫婦、陳山聰、郭政鴻、姚樂怡、湯盈盈、文頌嫻等到賀。志偉於晚上8時抵埗，現身時笑容滿面，但急急腳入場，問到準備了甚麼禮物？他邊行邊說：「有朋友帶咗生日禮物。」記者請他做訪問時，他頭也不回便匆匆入內。

古天樂快閃賀壽

未幾，逗留了約半小時的古天樂先行離開。之後，苗僑偉與太太戚美珍結伴前來，他說：「我帶咗支40年嘅酒，原本想買支70年嘅，但最終搵唔到。」其後由內地專程回港的陳山聰匆匆趕至。

晚上9時半，Tommy在Toby、苗僑偉、陳山聰及郭政鴻陪同下出來受訪，他表示事前不知道有Surprise Party：「到咗呢個年紀唔想知自己幾多歲，我今年26歲啫！（收到咩生日禮物？）我都唔知呀，應該都係我鍾意嘅，樣樣都好珍貴。（有乜生日願望？）希望大家身體健康，工作順利。（會否去旅行休息吓？）我都想去，但要睇時間，26歲仲好後生，應該做多啲嘢。」

「四大護法」再合作

在旁的苗僑偉說：「大佬都係寓工作於娛樂啫！」郭政鴻亦笑言：「我哋係四大護法！」Tommy希望可以盡快與他們再合作，並表示已經飲到High High哋，問到會否叫志偉飲少啲？他說：「志偉依家唔飲酒，飲酒都係尋開心啫！」

梁家樹70大壽，女兒梁靖琪（右起）為他搞驚喜P，郭政鴻、苗僑偉及陳山聰齊來祝賀。	古天樂係大忙人，留半粒鐘賀Tommy。	文頌嫻（左）、周家蔚（右）跟梁家樹夫婦及Toby（左二）在派對合照。

盡興至凌晨1時，眾星陸續離開，但一直未見志偉身影，Tommy步出時說：「因為有好多賓客唔想上鏡，已經從秘道走晒。」

湯盈盈與姚樂怡盛裝出席賀壽。

姚樂怡