盧凱彤自殺身亡，震驚全城，大批圈中人在社交網以全黑圖像表達哀痛。同患躁鬱症的邵子風，留言希望社會關注情緒病問題，並對情緒病患者不被理解而有感而發。
邵子風：「『你唔開心你唔好出嚟吖嘛，搞到啲氣氛差晒…』其實我係連門口都唔想出o架…『你死都唔好揀跳樓呀！好自私囉！會拉低晒啲樓價o架！』我會XXXX自殺，不過會揀響你個單位裏面…『你放心啦！你一定會好番o架！』你呢個放心係因為你真係好想放心…不如你了解吓我個病你先再講啦！『加油！』即係我唔夠努力？會唔會係因為我太努力先會搞成咁呀？你唔知頭唔知路同我講加油，講完拍吓籮柚就走咗去，滿足你鼓勵人嘅好心？定係即係你叫我一個人加油努力面對然後你講拜拜？」網民留言安慰並指情緒病患者的需要不被理解。
杜汶澤：「又話食飯？我仲有本書要借畀你。」
黃偉文：「我們失去了一位親愛的朋友，都有很多情緒要處理，未來一段時間，大家都不會容易，但留下的人，請照顧好自己和其他留下的人，這是很重要的。」
田馥甄：「如果還有時間：雲朵蒼白的炫耀，妳的笑容從此不老。」
蔡卓妍：「上次見嘅時候，你仲恭喜阿嬌，又話大家以後都要幸福...希望你依家幸福 miss you Ellen」