盧凱彤約共聚小肥卓韻芝悲永訣

Ellen曾於2014至2015年患上躁鬱症，病愈後重新出發，去年宣布出櫃及已婚，跟年長12年的台灣著名攝影師余靜萍在加拿大註冊結婚，今年簽約新唱片公司。而上周五在陳奕迅的簽約記者會上，她更透露本周推出新歌《光》及拍MV，看似家庭、事業兩得意，卻又被發現突然暴瘦，當時她表情尷尬說：「做音樂真係辛苦」。大前晚她捧許廷鏗音樂會，前日更以評判身份出席ViuTV大型選秀節目《Good Night Show全民造星》錄影，原來這已是她最後露面的身影。雖跟好友小肥、卓韻芝、林奕匡、李幸倪、劉浩龍和郭偉亮同場相見，可是她沉默寡言，又表現得鬱鬱不歡，原來「死神」已逼近了她。

小肥：我真係頂唔到

昨晨傳出Ellen死訊後，小肥自言：「真係頂唔到」，皆因好友墮樓前約兩小時曾透過WhatsApp聯絡，當時完全不覺有異樣：「尋晚（4號）我同卓韻芝傾偈，講開我專登帶咗我隻碟要送畀佢（Ellen），因為佢有份寫歌又監製，不過我要做嘢早走咗，佢又做緊評判，然後阿芝話約咗佢飲嘢叫埋我一齊，我就尋晚自己再WhatsApp問佢，佢今朝8點覆一齊飲嘢。」估不到9時50分Ellen就墮樓死亡。他說不相信好友做傻事，悲傷的他受訪時說：「我同10個『造星』一齊唱Ellen幫我寫嘅《內外》，佢仲睇得好High好開心。」

盧凱彤與好友小肥和卓韻芝等人前日齊齊錄影，怎料翌日便天人相隔。

蘇永康駕車途經現場。

下月嫁人的卓韻芝傷心得不接電話，只在社交網上載行事日曆截圖，留言：「你尋晚約咗我乜嘢今朝又同我講乜嘢？Ellen Low你覺得我應該點做？係咪想我delete event？我唔識真係唔識。出走唔係你嘅意思，係一啲幻象令你誤會咗一啲嘢，It's the illusion push you down.（係幻象推倒你。）係咪咁？飲嘢再傾。」之後再撰文指Ellen相約唱歌，現她不能再看電話留言，需要時間消化及回覆亡友。

林奕匡自責講到喊

跟Ellen相識3年的林奕匡受訪時，指前日錄影各有各忙只能互say hi，更激動得在電話中哭泣：「我都怪自己，會唔會，如果我嗰晚有同佢講嘢…唉…」並讚她極有音樂才華，又是作風大膽的歌手。劉浩龍在社交網悼念：「我個心真係好唔舒服，好難接受呢個係事實，尋日先一齊做嘢，RIP Ellen。」李幸倪指不能接受現實，並說：「也許正是因為你太聰明，只讓我們看到你的笑容，而掩飾了你的痛苦。」郭偉亮亦留言：「昨天開工時見到很多新知舊雨，這天令我很有感覺，這一天我永遠都記得。」

Ellen大前晚跟胡鴻鈞及林欣彤等到旺角麥花臣捧許廷鏗場，開騷前走到後台給許廷鏗打氣，至於許廷鏗因太傷心，對好友死訊不作回應。另外，ViuTV就Ellen離世表示惋惜，稍後將公布已錄製的節目安排，其遺作《光》面世日子可能有變。

蘇永康途經現場嘆可惜

此外，歌手蘇永康昨午約5時50分駕車途經Ellen墮樓現場，他受訪時表示：「覺得好可惜，之前講咗好耐想合作，佢音樂上好有才華，係我好欣賞嘅女性結他手。最後一次見佢係喺梅艷芳助手嘅太太嘅葬禮。希望Ellen家人及另一半節哀，大家身邊所有朋友好好關注自己身體及情緒上嘅健康。」