雷凱欣抱仔反駁「虐兒」

「退隱咪神」雷凱欣前日上載將1歲兒子放入洗衣機的相片，表示可以邊化妝邊睇實囝囝，因而被網民鬧爆無腦及黐線！昨日她反駁「虐兒」之說，又否認想呃Like，再上載一張抱着兒子的相片，寫上：「有工人嘅你係唔會明，長期有人黐實條腿，放地下仲危險，牛咁眼望到實，一秒都冇行開，佢企得好開心，冇開開關掣，企得好乖，都只喺放咗一陣間好快抱番起，一秒畫眼線，兩秒搞掂，非港女阿媽育兒法，我點呃都係得咁少Like，使咩出呢招！」並多謝大家留意。