陳倩揚爆B女希桐大食

有女萬事足!本來已是兩子之母的前港姐陳倩揚上月喜獲千金,昨日在社交網分享溫馨家庭照,並宣布女兒的名字是「陳希桐」,英文名是Aurella。相中見她雖然還未完全收身,但精神飽滿,抱女時盡顯慈愛一面。

她留言大爆囡囡「大食」:「大家好,我叫陳希桐Aurella,每日我都飲好多,飲完有時會同兩個哥哥玩一陣,有時會瞓覺,醫生都話我同媽媽配合得好,我會錫住媽咪,夜晚畀佢瞓多啲覺,多謝大家嘅祝福,各位Auntie Uncle滿月飯見 #轉眼妹妹快滿月 #媽咪亦都就嚟可以出關啦!」