梁諾妍異地戀愈打愈夾「保鮮」全靠少見面
由運動員變身模特兒的梁諾妍與圈外男友發展異地戀，雖然較難維繫，但拍拖兩年感情有增無減！所謂小別勝新婚，雙方長期「保鮮」，亦特別珍惜共聚的每分每秒。
模特兒梁諾妍為東網巨星節目「海馬牌床褥特約」《閨蜜睡房》擔任嘉賓，一連三集與主持李惠儀（Kiwi）分享感情生活。她透露中學時期讀女校，故未試過談戀愛，直至到加拿大升學才情竇初開，初戀對象是台灣人，她笑說：「總之接觸嘅都係亞洲人或者『竹升』。」
渴求私人空間
本身是健身教練的她與男友同樣熱愛運動，她說：「佢打拳多啲，我都有打，所以大家幾夾。」但坦言男友長期在北京生活，故雙方見面時間不多，每月只得三、四日共處。她承認起初都覺得難以維繫戀情，但拍拖兩年，感情相當穩定：「依家都慣咗，原來我都要好多私人空間，唔係好需要佢成日陪住，不過見得少都好嘅，新鮮感會多啲，每次見面都好珍惜、好開心。」兩人滿意現狀，未打算結婚。
掛住打波要留級
談到昔日校園生活，她表示很喜歡打排球，更曾代表香港去北京作賽：「中學生涯真係得打排球，因為掛住打波唔肯讀書，結果中四嗰年要重讀，爹哋就掟我去加拿大嗰邊讀書。不過入學第一日我就衝入Gym房，問Miss有冇排球打！」想知道她更多內心秘密？記得本周五、六、日收睇《閨蜜睡房》！