Jeana出水芙蓉遭猛男虐待

藝人何浩文、溫家偉、譚永浩、翟威廉、林秀怡和Jeana等，早前在江門拍攝無綫節目《大玩特玩消暑篇》。節目中當然不乏水着落水環節，眾女大騷好身材，大隻的男士們亦晒肌，只係睇張大合照都有睇頭！

林秀怡自爆(火羅)事

Jeana大爆拍攝時經常被班「嘩鬼」男仔戲弄，她指平時上水不喜歡用梯，鍾意於池邊上水，不過當她每次上水，班男仔就會撳她落水，令她足足三分鐘都上不到水。

而林秀怡坦言此行每天一起床就是游水，更笑指日日都被人推落水，但都非常過癮和好玩，她亦大爆蝦碌事：「有次我哋分組要將件衫剪款式，我唔係好識剪，於是亂咁剪，點知剪爛埋條褲，仲要係新買嘅，不過好好彩冇剪親自己咋！」

譚永浩頭髮甩色

此外，話說譚永浩當時染了一頭橙髮，當他一落水，頭髮不斷甩色，最慘就是其他人全部着住私伙白色衫上陣，搞到全人類的衫都染了橙色，大家即搞笑叫他賠錢。